[سويلم مناحي]

[poem="font="Simplified Arabic,5,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
أبتلشنا بالزيادة والتجارة = ولا أستفدنا من الزيادة والتجاره
التجارة خربت طعم الزيادة = والزيادة كبرت رأس الوزاره
مشكلة لا عندنا عدت مشاكل = لكن أبدى بشئ وأسعى بأختصاره
لن كثر الهرج ما يجب النتيجة = والنتيجة دايماً عند الأماره
ودي أوصل رسالة عن رسايل = والتخاطب قالوا أسلوب الحضاره
عن طريق النت ولا بالصحافة = للمليك اللي حضن شعبة وداره
يا ابو متعب يا ملكنا دام عزك = والله أنا نقبل صورك بحراره
الله اللي حببك بقلوب شعبك = ومتلكت قلوب شعبك وبجداره
بس حنا سيدي صرنا ضحية = والغلا بأسواقنا تزداد ناره
البضاعة داخل السوق المحلي = ولعوا فيها سماسرة الطراره
والوكيل اللي تحفظ بالوكاله = قام يعلن للوكالات أنتصاره
يدبل الاسعار لا روق مزاجه = ويتحدى من يبي يفك أحتكاره
والحماية من ذكر دور الحماية = والبلديات هي رأس الأثاره
أن شكينا لا حياة لمن تنادي = وأن سكتنا ما سلمنا من الخساره

[/poem]

الموضوع الأصلي: رسالة الى الملك | | الكاتب: سويلم مناحي | | المصدر: شبكة بني عبس