كانك ماتقدر تحمّل فترة غيابي بسافر وأجيك=وإن قلت مستقبلك يذهب ســـــدى قلت أنت مستقبلي
أنــت ياللـي وضـعت أقسى وأشـدّ الشروط=قمت أنفــّــذ شـروطك بسّ حظــــي جلس
كنــــك الأنـــدلس من بعـــــد ذاك الســــقوط=يــــوم راحت وهــــزّت شـــاعر الأنـدلس
ياصـاحـب الغيـــــــره ويـــاصــاحــب الحـقد=الشـــــــعر قبل أنظــــم بيــوته عبدني
أبك أنـــت جــــــاهل ماأنت داري وش النقد=ماباقـــــــي إلاّ أهل الجـــهل تنتقدني
كيف ترحل.. وأنت لك عرش وصروح=كيف ترحل.. وأنت سادس حاسّه
لا تـــزوّد جرحـــــي الدامــي جروح=جرحــــي اللـــي بالحنايا داسّه
ياخدين العمر ( تكـــــــفى ) لاتروح=والله إن لــــي فيك حاجه ماسّه
الحـب كــرّم خفوقي وأحتفى فيه=وأنا بوقت اللقاء زادت تناهيـــــدي
يوم الغموض استحت منه الشفافيه=أنا سوات (البحر) وأنت (الفراهيدي)
أنا شاعر وإلي وقفه إلى هبّت عليّ النود=وشهادة ناقصين العقل عزالله ماأبيها
يالسان العــرب صحّ الله لسانك=يازعيــــم الثقافه ياأعظم أعرابي
عصرنا يجمع أحفادك وعربانك=لكن السلبي أصبح فوق الإيجابي
الوضع مابين التشتت والنـوى والنفــــور=وإن كان وضع أعرابنا هذا علينا السلام
قمت أتأمـّل بالزمــن وأفكـــر لحالـــــي=وشفته حبل بيدين من يرخيه ويشــــــدّه
ياعصرنا الماضــي قهرنا عصرنا الحالي=إستبدل الشدّه سكون وضاعت الشــــدّه
الفرق واضــح مثل فرق المرّ والحالـــــي=يعني مثل فرق الرخاء عن ساعة الشدّه
تهلّ الدمع حايل ويتساقط في خميس مشيط=وأنا أبكي من خميس مشيط ولاّ أبكي على حايل
تبغى تكرّر معركة ( عيـن جالــوت)=وتبغــى تخطّط مثل تخطيــط (بيبرس)
وهذي عليك أبعد من الموت للموت=وأصعب من الجاهل إلى لقـّن الدرس
الشاعر
عبدالله عوجان