لا تطري الفرقى على المحزون
ما داني الفرقى وطاريها
أهلي يلوموني ولا يدرون
والنار تحرق رجل واطيها.
يامن يباصرني انا المفتون
والروح فيها ما يكفيها
ومن الولع والحب انا مجنون
هذي المحبة قولوا وش فيها.
يامن يعاوني على الغليون
والدلة الصفراء مركيها
ستة بناجر واربعة يزهون
وان اقبلت فالنور غاشيها
ابو لبة صفرا زهت باللون
توه باسبوع العيد كاسيها
عمره ثمان مع سبع مزيون
مشي الحمامة مشيته تيها
أبو هيا طربِ يشيل فنون
ما ثمن الدنيا وطاريها
تسلم اخوى مشاركة رائعة
تحياتى