اخواني في منتديات فارس بني عبس
اقدم الكم هذه القصيده لشاعر الكبير رشيد الزلامي
وان شاء الله تحوز على استحسانكم
اذا جهلت انشد ترى مابها عيب
======================
اذا جهلت انشد ترى ما بها عيب = لا تنخدع للجهل وانت السبايب
عيب الفتى ما فيه شك ٍ ولا ريب = ترك الفروض وقطع وصل القرايب
والعيب ترك ملزمات المواجيب = وتبع الردى ومجالسه كل خايب
والتجربه برهان ما فيه تكذيب = فاذا جهلت انشد من القوم شايب
ولا قول يوجد شايبٍ يعلم الغيب = الغيب يعلم به مدير الهبايب
لاكن يوجد شايب ٍ له تجاريب = ومن الدهر شاف الفكر والعجايب
بيض ٍ نواصي جبهته كلها شيب = من كثر ما مرت عليه المصايب
قد صارع الدنيا على الخبث والطيب = في البحر ولا فوق عوص النجايب