[ناصر خنيفر]

اقتباس من مشاركة ناصر الشويلعي السلام عليكم ورحمة الله وبركاته اخواني الافاضل رواد هذا الصرح الشامخ اقدم لكم هذه المساجله بيني وبين الشاعر مهل مرزوق الرويضي وان شاء الله تنال على استحسانكم يقول مهل مرزوق: ليه ياصدري من الوضع تال الوقت غشت = واكثر العالم تغني طرب ماهمها لاتلوم الحظ وتقول بالله ويش حشت = عاده لـ بقعاء تحط الرجال بكمها الزمن ماله صداقه وانا منه ان لكشت = وبسببه حتى هل الطيب فاير دمها والله اني ماترديت لكني بلشت = مالقيت دواء جروحي وقلت اظمها وكل مايطري على البال ناصر قلت عشت = عشت ياراسً علوم المراجل لمها يابن صويان كانك من الدعوى طفشت = انت فوزك في حلاها وانا في سمها عذري اني كل دربٍ معه رحت وطرشت = طامع برد الجمايل وحظي ذمها واعرف اني معك بالسلم ولا كان هشت = أنت ابوها ياحزاماً حزامك عمها وكان ماكفاك عذري تراني مابلشت = أنت راع الاوله وأنت ابوها وسمها مير تكفى كانك ومرت بالنقش ونقشت = جمت البحر الحمر لا يتغثرب جمها وهذا مردي على الشاعر / مهل مرزوق الرويضي قوم ياصدري تهيض تهيض قوم عشت=واتجه لبحور ماكنت ناوي يمها البحور اللي تغطيت منها وافترشت=جرتي فيها عجاج الزمن مادمها ويافكر يوم المعاني تبارت وانتعشت=خص نقش حروفها وانتبه لاتعمها نقشنا للشعر ماكنه ألا زري بشت=والرجال الطيبه همنا من همها ويامهل لاتحسبني عن الدعوى نبشت=جعلها فدوتك في حمها وبرمها والله اني يابن مرزوق عنها مانشت=واسمح الله عنك بس الرساله تمها شرهتي يمك كبيره وانا منها انخرشت=ياعسى سيل(ن) يدم الديار يدمها انتبه لرسالتي وانتبه لي لانكرشت=الهبايب لاتعرض لها وتخمها لاتوردها على عد صافي لاعطشت=خلها تارد عدود(ن) غزير ٍ جمها ولاتحسبنه ماغير انت بالوقت انلطشت=ياكثر ناس ٍ خدعها الزمان وقمها مير تكفى كان جاك النداء مني وعشت=ردها ليه ودنياك يلعن امها [S IZE="5"] وسلامتكم [/SIZE]

عاش مهل وعاش ناصر الشويلعي على هذه القصايد الجزله وسمحو لي ان اجاريكم بهذه الابيات

سير ياللي بالحبر لابيض القرطاس نشت = المعان الطيبه صوغها في صمها
خوذ من جزل المعان بدلو ماهو بطشت= وريحت الريحان مع من بدوبه شمها
وهيه ياطارش من ابلادنا كانك طرشت= يم دار الحشمه اللي تبا تحشمها
هم سرو وانا على نهجهم بدري غبشت= مهل خطط للاوسيمه وناصر تمها
والله اني قبل لابداء من القاف ارتبشت= لكن الله سهل الوضع وانها غمها
اعتزيت ومع جزال المعاني ششت ششت= كلمه اخطيها وكلمه تجي وخمها
الرصيد اللي بقا بالخزينه له قرشت= ومابقا من بعدنا جا العجاج ودمها
والمعذره كان من بعض ماقلتم خمشت= ولاعلينا من هل النمنمه مع نمها