هذ ابيات اقدمها لكم بالاعلامي والشاعر/نايف رويبح الرشيدي واتمنى ان تنال على اعجابكم
الشعر لامن زهمته جت مناديبه
وتجي المعاني معه فرحه ومختاله
واسوقها لشاعرن ماحدن جهل طيبه
بين الرياجيل كلن يعرف افعاله
نايف رويبح سليل المجد والهيبه
والعيب في شاعرن مايثبت اقواله
العز واضح بنايف من اساليبه
العز يتبع لنايف كنه ضلاله
ساس الشجاعه وعلم الطيب يحريبه
انا اشهد انه بفعله دايم لحاله
وان كان به عيب ابفضح نايف بعيبه
دايم لفعل الكرم مايحسب امواله
لاضاق طش الشماغ وقام يوميبه
ويفزع لمن ضاق بالدنيا وتعناله
اليا تعهد بشي العهد يوفيبه
لان الوفاء في طريقه دوم يبراله
ياعبس شخصن كتب شوفوا مكاتيبه
يامن يوصل لنايف مني رساله
قولوله ان مابين الناس اماريبه
وافخر بطيبه ووقفاته مع افعاله
مع تحيات اخوكم/مشاري بن سرهيد بي عمير القلادي الرشيدي
