>> سود الله وجه عذالي <<
على كثر الكلام ، وكثر ماقبل الكلام جروح=سكت ، ومالقيت الكلمتين الي علي بالي
أخاف إن قلتها ، ماقلتها ، وان قلتها بوضوح=توسدني ملامات الرفيق وشرهة الغالي
كذوبه يالهوجس اللي على الخاطر تجي ، وتروح=بغيت أزبن ذراها ، واستريح وماتهيالي
ورحت أتلي شتاتي ، واترجي صوتي المبحوح=تموج بي الدروب ومسندٍ كفي على ظلالي
عسي مانتي رجايه يابروقٍ في سماي تلوح=يشرهبني رعدها والضما بالصدر همالي
نقلت جروح ماعرفها بقلبٍ مرهف مجروح=تنطحت البياض ، وسود الله وجه عذالي
للزعيم الشاعر مساعد ربيـّـع الرشيدي
آخر تعديل بواسطة مبارك الشويلع ، 24-02-2008 الساعة 02:06 AM.
|