،،
،
كلمـة حق يجب أن تقال
في حق هذا المبدع
،،
،
هنـا.. وبعيدا ً .. عن .. تطبيل .. مجلات .. وقنوات .. الشعر السيئ .. سيكون موعدنـا
.. مع الأبداع .. والشعر الحقيقي .. الذي يسكن قلوب ..الكثير من متابعين ..
ومحبين الشعر
دائما ً مانردد أبيات .. جميله .. ورائعه .. نحفظها .. ونجهل .. أسم شاعرهـا .. والكثير منا.. من يقوم بالبحث عن صاحب هذه الأبيات .. في كل مكان.. وزمان .. وتبقى هذه الأبيات .. راسخه
.. في قلوبنا .. ومن الصعب .. أن ننساها .. أو .. نتجاهلها .. في .. أي .. جلسة شعر
موعدنـا اليوم .. مع شاعر .. أستطاع أن .. ينحت .. أبياته وقصائده .. في قلوب الكثيرين ..
إبتعد عن الأعلام .. ولم يسعى .. في يوم من الأيام ..
.. خلف .. الأضواء .. والشهره ..
الشهره اللي وراها الناس منجرفه=ماهوب أكبر طموحي مصافح إيديها
الشاعر المبدع
// ثامر شبيب الدقباسي\\
شاعر أعاد للساحه الشعبيه .. أمجادها بنصوصه ..الرائعه .. شاعر له مسار .. رائع .. نحو الجمال ..
والعذوبه ..هنا .. سيكون الشعر على هيئة رجل.. وهنا تكون للكلمه معنى .. جميل .. ومختلف ..
بحثت فى كل المعاني فلم اجد.. مايليق بهذا الهرم الشعري..
ثامر شبيب
أسم سيبقـى بالذاكـره.. وقصائـده ستبقـى..
عالقه بالأذهـان.. وأكبر دليـل على ماأقوله.. هــو أن هذا الشاعر ..الوحيـد في هذا الجيـل ..
الذي يكتـب بيـت ..عن قصيـده ليتداولونه.. الصغار ..قبل ..الكبار .. ويكفـي أن قصائده
.. يحفظها الجميع ..
وأيضـا ً هناك دليل .. آخر على نجاحه .. وهو أن قصائده تنتشر .. بسرعه البرق
ومع هذا نجد هذا الشاعر .. بعيد عن أضواء الساحه .. ولايحب الظهور..
إلا بالوقت المناســب
لكـي يقول
وبالصوت
العالــي
// أنــا هنـــا \\
ثامر شبيب الدقباسـي شاعر مختلف جدا ً.. كتب الشعر.. فأدهش.. جمهور الشعر
لم يعتمد على تطبيل.. المجلات الشعبيه .. بالوصول لنـا بل جعلنا.. جميعا ً نبحث .. عنه دائما ً
ونسأل عن جديده
عندما يغيب نشتاق له وعندما يأتـي يمطرنـا بغيث الشعر
الذي يروي القلوب المتعطشه للأبداع
سأترككم مع بعض الأبيات ..لشاعرنـا.. وأنـا واثق بل ..أجزم أن الجميع.. يحفظهـا عن ظهر قلب:
ادري مع غيري تخونيني الحين=وادري بعد ساعه تخونين غيري
الليله هذي واضحه ليلة افـراق=حاولت اعديهـا وعيّـت تعـدي
اظروف ماتنطاق ولا راح تنطاق=صد القدر ماهو بصدك وصـدي
تعال اخذني بين اياديك مشتـاق=قبل انتفارق حـط يـدك بيـدي
بجلس معك ساعه حبايب وعشاق=من بعدها كيفك ولو صرت ضدي
فيني وفا لو هو توزع على الناس=ماصار بالدنيـا سبـب للخيانـه
اضحك حبيبي دام وقتك مسليك=بكره تموت من القهر لا نسيتك
انا لاقلت لي شلونك وانا ضايق اقول بخيـر=مدامك سائلٍ عني اكيـد ان ضيقتـي راحـت
انا من كثر ماحبك اشوفك في عيونـي غيـر=تضيق النفس من غيرك ولامن شفتك ارتاحت
يابنت هذا صاحبي واقرب الناس=تبين اخونه بكل بساطه عشانـك
والله لو انك خلقتي مـن المـاس=وصرتي بعين الكل شيخة زمانـك
ان صاحبي يبقا مكانه على الراس=وانتي حبيبة صاحبي في مكانـك
لاتلومني لاجيت كلي من اقصاي=مافيه غيرك لاتضايقـت جيتـه
تدري بصراحه ايش غلطة حياتي=اني نزلت لمستـواك وعرفتـك
عندي سؤال وخابرن فيه تجريـح=لكن ضروري تسمعـه بأنبساطـي
ارفعك بيدي لسما ترجـع اتطيـح=قلي شسوي فيك لا صرت واطي .؟
محتاج لك حيل والله يقطع الحاجه=حدتني وجيت اداري دمعة عيوني
كل عام وانت بخير وايامك بخير=لابعـدهـم كلـهـم ياغنـاتـي
انت بحياتي شي ثاني عن الغير=تقدر تقول اجمل حدث في حياتي
انت الفرح وانت الوفا والتباشير=انت امنيه لا والله كل امنتياتـي
انت حبك شي ما اقدر عليه=كن حبك ضيف والقلب بدوي
عادي معك أبقا وعادي اخليك=مثلك مثل غيرك مجرد صداقه
تدري وش اللي بهالدنيا مضايقني=اللي من العام اسهر منه واعاني
اني احبك قبل والحيـن صدقنـي=ماعدت احبك احسك واحدن ثاني
رح بشر اللي ملتفت لك يناديـك=قله تركتـه لخاطـرك ماتأخـرت
صدقني انها غلطتي يوم اداريـك=ولا انت لولا غلطتي كان ماصرت
كبرتك بعيـن البعيـد وحواليـك=ابيك تكبـر والمصيبـه تكبـرت
حاولت اغير فيك من كثر مغليك=قـدرت لكنـك عليـه تغـيـرت
منت اختياري ولكن صرت لي قسمه=الله كتب لي احبـك ماهـو بكيفـي
شي واحد حطـه براسـك وروح=وان سمعته روح عنـي وخلنـي
من صغر سني يابو وجهن سموح=ماحـدن يامـر علـي ويذلنـي
خيـره وجتنـي صـار فراقنـا بـدري=لـو انهـا خيُبـت قدامـي ضنـونـي
انتي ورفيقي !! تخونوني وانا مـدري=ماكنت افكـر ولـو لحظـه تخونونـي
كان بعيوني وكنتـي ساكنـه بصـدري=والحين انا ابكي على صدري من عيوني
يعني عشان اني احبك تغليـت=ماتدري ان اللـي تغـلا تخـلا
رح واذكر اني عنك انا ماتخليت=الا بعد ماصـرت انـت اتغـلا
ياكثر شرهاتي عليك انت بالذات=والا على غيرك تراهـا قليلـه
والسؤال هنـا كيف أنتشرت.. جميع هذه الأبيات.. مع أن هذا المبدع..
لم يظهر بأي أمسيـه شعريه.. إلى الآن ؟؟
ثامر شبيب .. لم يصل للجمهور .. من فراغ بل وصل.. بأبداعه.. الذي سبقه..
بالوصول إلينا
بالفعل ثامـر شبيب.. شاعر مختلف.. يتفق الجميع.. على إبداعه..
وتفرده.. بالساحه الشعبيه..
يقول ثامـر:
من يوم ماجتني تحبس الهوا حبس=تامر علي والسانها حيـل طايـل
وشلون تامرني وانا من بني عبس=لو يحكـي التاريـخ فيهـا قبايـل
وأيضا ً :
هذا وانا الحالي اجل وشلون لوجيـت محمـول=شفت الثريا لو اصيـح لعبـس راح ارقالهـا
ربعي اليا صكت علي يبكي على الحكم معـزول=لي لابتن من دون قاصـر مانشـرب فنجالهـا
بني رشيد اليا اصطفق موج البحر سالت سيول=ياسعد عين ام الضعيف اللـي تكـون بجالهـا
يامـا عفينـا لخاطـر العقـال زلات مهبـول=ندمـح وعقـال المهبـل تلتـفـت لهبالـهـا
لكن اليامنـا بطشنـا بطشنـا ماهـو معقـول=ندعس على روس المهبـل ورقبـت عقالهـا
ثامر شبيب ..لم أكتب هذا الموضوع.. لأنك رشيدي.. فقـط .. بل لأنـك شاعر مبدع ..
تستحق الكثير .. من التصفيق على كل .. حرف كتبته .. وتستحق ..
أكثر من ألـف.. إطراء ..
وإطراء
شكرا ً لك على كل ماقدمته لنا.. من شعر ..أطربنـا.. وأعجبنا.. وأدهشنا.. وأمتعنـا ..
وهذا أقـل شـي نقدمه لك ..وندعوك.. للمواصله.. لأنـنـا من أشد..
المعجبين والمتابعين.. لهذا الجمال..
الذي تقدمـه
قصيده جديــده وحصريه لشاعرنــا
أتعبت نفسي وجوالـي وانـا افـره=عليك ياللي ماعاد اتطيـق جوالـي
ادق واسئل عن احوالـك كـذا مـره=من طيبتي كل ما مريت فـي بالـي
ماكنت احسبك عديم احساس بالمره=مستخسر انك ترد تسئل عن احوالي
والله وطلع لك أسم ياتابـع الجـره=ماكنك اللي ربيت سنين فـي ظلالـي
اصغر من انك تذل القلـب وتضـره=كافي معك ضاعت سنينه علي الخالي
ان كان نفسك عشان ابيـك مغتـره=والله لا اعلمك وش هي قيمة امثالي
ماتدري ان الحـرار قلوبهـا حـره=ان عزمت تقلب الاول علـي التالـي
قل للسنين العـذر لا عـاد تتشـره=في عز ماضقت ماحصلتـك قبالـي
خليتني والوجيـه البيـض مسمـره=تضحك علي الليالي بوجـه عذالـي
لكن وعد لشتـري لـك ورد واثـره=علي فراقك واسوي حفـل بلحالـي
واعزم هداياك اللـي داخـل الجـره=اللي قبل يوم كانـت ذكـرة الغالـي
واحرق هذاك الزمن وافتك من شـره=واعيش عمري بلا همـي وغربالـي
صدقني ماضقت من فرقـاك بالمـره=بس ماذبحني سوا حاجـه بجوالـي
تدري وشلي ذبح قلبي مـن الحـره=إني مخزنـك فـي جوالـي الغالـي