من لا وفى في يمينه صابنه حوبه= ومن لا يكفر عن السيه يعاشقها
جيتك وانا هامتي بالهم مصلوبه= وعليك الأمال عقب الله معلّها
خابرك وافي ونا رك دوم مشبوبه= ورغبتك ما تنثني حتى تحققها
على جبينك حروف الصدق مكتوبه= ومواقف الطيب ترفع لك بيارقها
وقابلتني مثل ماظنيت بعذوبه = وخففت همي بكلمات ٍ تنمقها
ودقيت لي صدرك النوبه ورا النوبه= وسعيت في خطوة ٍ منك انت واثقها
واليوم صارت حبال السعي مجذوبه= واشوف ودّك عن الجمّه تزحلقها
الله يسامحك لوفزعتك مقلوبه = ويلومني يوم بعض الناس اصدقها
عابر سبيل