[ناصر خنيفر]

اقتباس من مشاركة ولــد خــلف السلام عليكـــم وحمة الله وبركاته جديدي اضعه بين يديكـــم ، البارحـه ياعيـد مابـيـن همـيـن=هم الطمـوح وهـم كسـر الرتابـه متشتتـن مابيـن يمـكـن وبعـديـن=ومتمسكـن بآمـال حضـرة جنابـه الواقع اللي لي على حضرتـه ديـن=مابيـن ذكـرى تضحيـات وكـآبـه تعبت من قولـة يجـي يـوم وتزيـن=وتعبت اشيل حمول واصبر واجابـه وتعبت‎ ‎اسندها علـى حظـي الشيـن=وتعبـت وايامـي بعيـنـي تشـابـه زمـن غريـب بلاقيـود وقوانـيـن=من وين ماهب الهـوى صـك بابـه يابري حالـي ياعذابـي مـن البيـن=وياجر قلبـي جـر قـوس الربابـه وياشرهتن ضاعت على ناس غاليـن=وياشينهـا مـن بيـن ربـع وقرابـه لاصار حتى حبـه الخشـم والعيـن=مـاعـاد فيـهـا للبـنـادم مهـابـه لكن علـى الله والقسـاء يتبعـه ليـن=منـا الدعـاء والله عليـه الاجـابـه والبارحـه ياعيـد والقلـب نصيـن=نصن معي والنـص الاخـر غدابـه شخصـن بقلبـي باقيتلـه عنـاويـن=غلاه ، شوقـه ، ذكرياتـه ، غيابـه رحل وقال ارجع ولكن الـى الحيـن=لاجـت مراسيلـه ولاحـدن حكابـه ( ايوه ) ياعمرن معه لو بعـد حيـن=( وااواه ) يامن مـات فيـه وحيابـه ياظلـم الايـام ودمـوع المساكـيـن=اعيشهـا بعـده سحـابـه سحـابـه واقسى من العيد بعيـون المساجيـن=بشفاتهم ( عيـدك مبـارك ) دعابـه هاذي ترى حـال الهـوى والمحبيـن=كلـن علـى ليـلاه يشعـب ركابـه ومادامنا مـن طيـن ونرجـّع لطيـن=لبيـه ياديـن النـبـي والصحـابـه الله يثبتنـا عـلـى منـهـج الـديـن=مـع سنـه محمـد ومحكـم كتابـه لاكن بقى من غيـر هالبيـت بيتيـن=وتـم الكـلام وعـاد ماهـي طلابـه المجتمع لك فـي حقوقـه مضاميـن=اعرف من تقّدر... وتاطى .... وتهابه في هالزمن ياعيد واحـد مـن ثنيـن=إن لـم تكـن ذيـب اكلتـك الذيابـه

صح لسانك قصيده وافيه