السلام عليكم ورحمة الله وبركاته
أخواني أعضاء هذا الصرح الشامخ اسعد الله أوقاتكم بكل خير
أضع بين يديكم أولى مشاركاتي معكم وأتمنى أن تحوز على رضاكم
يالله ياللي لروح العبد خلاقي = يا خالق الكون رب البيت سبحانه
يا رب ياللي على طول الزمن باقي = شف عيني اللي لها اسبوعين سهرانه
من حر همً بوسط الجوف دقاقي = ضايق ومحتار والاخلاق خربانه
ضايق وجفني الذ النوم ما ذاقي = والروح مما جرى قبل أمس تعبانه
وأسباب همي وضيقي ساعة فراقي = عن صاحبً راح مدري وين مسكانه
فارقت من غيرها بالعين ما لاقي = كن البلد غيرها ما فيه سكانه
والبعد هم وعذاب وضيق وأرهاقي = حتى البلد يوم راحت ضاقت أوطانه
ضاق البلد زاد همي شانت أخلاقي = والقلب يشكي ويبكي بعد خلانه
والروح تشكي وحظي طاح وأنعاقي = والنار ولع بوسط الجوف بركانه
بركان نار المحبه يحرق أحراقي = وانا الذي واقعً ما بين نيرانه
في حب من ساق قلبي معه وأنساقي = حتى بنى بيت حب وشيد أركانه
وأصبحت اله ملك دون أطلاب وأخناقي = يا كثر حبي له ويا صعب نسيانه
والحب سنه وانا مع درب عشاقي = وأتعب على عشرته لو ما لها خانه
أتعب وانا واثقً مليون ميثاقي = أن التعب بالسعادة مال ميزانه
حيث أن ماني بهاك الخل متلاقي = ما دام صدقان قلبي غير صدقانه
والفرق واضح ويشرق نوره أشراقي = ما تقرب جدودي السبعه لجدانه
وقد قلت يا ابو خدودً تقل براقي = بيتً بلا ساس ينهارً جدرانه
وبنيت بيتً بلا عمدان ورواقي = وضاع الرجاء دون ريم وضاع برهانه
لكن من زود حبي ثارت أشواقي = وكتبت للي عليه الروح شفقانه
بالشعر أعبر بهاذيلي على أوراقي = للصاحب اللي خميس مشيط عنوانه
وبديت قبل ابتدي بالواحد الباقي = وأنهي كلامي بذكر الله سبحانه