[رشيد]

مستشارك
======
سلطان الحضبي





يالادمي لو كل شي بختيارك

* ما فيه احد غيرك من الناس قدك

لاشك تنشب في مساك ونهارك

* بصدوف وقت عن مرادك تصدك

ان بار بك وقتك جلب لك دمارك

* بالغيب لسهوم المقادير شدك

وان زانت الدنيا سعت في عمارك

* باللي تبي في كل حزه تمدك

وان عاضبة خلتك تنقل اصغارك

* من دار لا دار على غير ودك

واذا استقمت وطاعة الله اشعارك

* بتنتصر لو الملا صار ضدك

وان ما صدقت بغايتك في مسارك

* ما حد مدح فعلك ولاحدٍ يعدك

وان ما فعلت الموجبات بقرارك

* لابد قل العرف عنها يلدك

كانك بنفسك ما ارتفعت بوقارك

* ما ترتفع بفعال خالك وجدك

يا قلب ياللي نازح الهم زارك

* اصبر لو انك واصل منه حدك

زادت هواجيس الغرابيل نارك

* وطاري يروّح بك وطاري يردك

صار العنى طول الدهر مستشارك

* مبناك آمال واقع المر هدك

يا البين عنيت الشقي بختبارك

* تاطيّه رجليّنك وضربه يُدك

وضعتني ما بين نارك وغارك

* واشرقتني ما بين جزرك ومّدك

الموضوع الأصلي: مستشارك | | الكاتب: رشيد | | المصدر: شبكة بني عبس