[عبيد الله دعيع]

سلام ياخادم البيتين والأمـّه=سـلام ياسيـدي سلطـان وأخوانـه
سـلام يأميـر حائـل والنظـر يمـّه=سلام يـا نائـب الأميـر واعوانـه
أميـر حائـل سعـود وبالغـلا ضمّـه=حتى لبس فـوق راس العـز تيجانـه
يا ملوكنا اللي سكنتـوا عالـي القمـّه=سجل لكم صفحـة التاريـخ عنوانـه
الياورتـوا شربتـوا صافـي الجـمّـه=يوم أن بعض الكبـود تمـوت عطشانـه
عيال عودٍ حكـم لـم الوطـن لمـّه=بالحـق والعـدل قـوى الله بنيـانـه
عبدالعزيز البطل سـم البطـل سمـّه=اللي تعلـى سنـام المجـد سلطانـه
صقر الجزيرة ونصر الدين هو همـّه=عساه في جنـة الفـردوس مسكانـه
نهدي لكم عودٍ أزرق ما حلـى شمـّه=ساقه قصيد الرشيـدي فـاح ريحانـه
الطيب خال الرشيدي والوفـاء عمـّه=وأبوه ساس الكرم مـن سـاس جدانـه
فيه المرؤه رضعها من حليـب أمـّه=حتى كبر بالمرؤه وأعتلى شانه
مافيه عبسي خرج عن طاعة إلامّه=ولافيه عبسي سمعنا خان بإيمانـه
الديـن يفـديـه في روحـه وفي دمـّه=ويفدي مليكه ويفـدي تربـة أوطانـه
بالحرب تلقى الرشيدي عالي الهمـّه=فعلـه يبرهـن لامـن طـب ميدانـه
من شأن دينه يموت المـوت ماهمـّه=يفرح صديقه ويزعـل كـل عدوانـه
كل القبائل لفعـل الطيـب منظمـّه=أفعالهـم دائمـاً جـزلـه وماليـانـه
يوم أن بعـض الأوادم مالهـم ذمـّه=خانت عهود الله المعبود سبحانه
اللي يخون الوطن والدين لاذمّه=أطعن جنابه وجـود حلـق شيطانـه
وأقول سبع الفواسـق فيـك يالرّ مـّه=يا خاين الدين مـوت النفـس منهانـه
السيف الأحدب لرأس مضيـّع اليمـّه=يشيل من خان دينه والوطـن خانـه
أقولهـا أمامكـم والـنـاس ملتـمـّه=من شاعرٍ صدق قلبـه قالـه لسانـه
وأختمامها لأبـو متعـب قائـد الأمـّه=تحيه الدين والأسلام وأركانه

أشكر أخي الغالي/زهير العبسي على نقل قصيدة الشاعر/عبيدالله دعيع....حيث أن النقل حدث في أخطأ حبيت أن أصحح
الأخطأ كما أشكر المصور الرائع /عبد المجيد الرشيدي على الصور الرائعة فلكم مني كل تقدير وأحترام