[نادر بن مساعد]

اسعد الله اوقاتكم بكل خير ومحبه وسلام


اترككم مع هذه

المتواضعه

اتمنى ان تنال اعجابكم







[POEM="font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابعد وانا ببعد وذا قسمك وقسمي ياغـلاي=مافيه عشاقن على سلـم القبايـل يلتقـون
محيرينك للعنا وانـا بـي الحيـره بـلاي=اخاف من فعل الردا وانا عزيز ولا تهـون
رح مع نسانيس الهوا وانا تقفي بي خطاي=عانق نجومن ساهره وانا بقفـي بالطعـون
لاتحسبني في بعـادك بدلـه وبلقـا هنـاي=لا والذي خلا غلاتك فالمحاجـر والجفـون
من وين ماسج القدم لقيتك بدربـي معـاي=ومن وين مالد العيون اشوفك بدمع العيون
عليك قلبي نبضته تنقص ليا جابك عنـاي=وعليك صوتي نبرته جادت مع حزن اللحون
لا ياوجودي ياوجودي ياعذابـي ياشقـاي=وجود من جلي عن ادياره وبه ذل مغبـون
لايابري حالي بري حالي ويانشفة شفـاي=بري الغصون اليابسه مابلها وبل المـزون
ياعزتي لي كني الراعي وكنك صوت نـاي=يبغا يتسلا به طرب ويرده الصوت محزون
اشتاق لعيونك وانا ادري دوم تشتاق لحكاي=لكن ذا حكم القدر والبعـد ذبـاح الشجـون
لاتلومني لاقلت لك ببعـد وتبعـد يامنـاي=مافيه عشاقن على سلـم القبايـل يلتقـون[/POEM]


مغليكم / نادر بن مساعد

الموضوع الأصلي: مــــــــع حــــــــــزن اللحون لـــــ نادر بن مساعد | | الكاتب: نادر بن مساعد | | المصدر: شبكة بني عبس