[رشيديه والعزليه]

السلام عليكم



اعاني لوعة الفرقا حزين وخاطري مكسور
حزينٍ غربتي طالـت... جريحٍ من يداويني

انا ليه ثلاث سنيـن وتـتبعهن ثلاث شهور
اقاسي لوعة ابعادك ..سهيرٍ ماغفت عيني

تحسبيني على بعدك سعيد وعايشٍ مسرور
انا واللـه ياحبي ......فراقــك حيل مشقيني

رماني حظي العاثر علــى بعدك وانا مجبور
وحيدٍ ماطرى الا انتي.. وغيرك مايسليني

شربت المر من كاسه شربته والزمان يجور
يبعدني عن عيونك وزاد الجرح جرحيني

سهيرٍ ماغفا طرفي اسامر دمعي المنثور
اخايل طيفك العابر....احاكيه ويحاكيني

ذكرت احلا ليالينا وتمنـت الزمان يـدور
ذكرتك واقفه جنبي يدينك تحضن يديني

ولكن الزمن واقـف علـينا يفرض الدستور
صدر دستوره القاسي....وفرق بينك وبيني

على شانك اعيش الهم اعيش بدنيتي مقهور
وفيٍ ماعرف غيرك..... مدام انتي ملكتيني

وانا جيتك من الغربه حزين وخاطري مكسور
غريبٍ غربتي طالت وشوفك حلم في عيني

وسلامتكم

الموضوع الأصلي: لوعة الفراق | | الكاتب: رشيديه والعزليه | | المصدر: شبكة بني عبس