[عبدالله]

بقول لكم قصة حقيقة حدثت في زمن بعيد صار فيها مشكلة بين شخصين وأبي أشوف

رايكم في حل القضية . . . .

في رجالين واحد عنده 5 خبزات والثاني عنده 3 خبزات
توهم قاعدين بيتغدون ومر عليهم رجال ثالث
فسلم عليهم وطلبوا منه إن يتغدى معاهم

فقاموا الرجالين وحطوا خبزهم مع بعض وكلوا كلهم
وعقب ما كلوا وخلصوا قام الرجال الغريب شكرهم وعطاهم 8 دراهم

قال الرجال الأول انا حقي 5 دراهم لأن كان عندي خمس خبزات وانت
حقك ثلاث دراهم لأن كان عندك ثلاث خبزات

الرجال الثاني ما رضى قال له النص بالنص حقك اربع دراهم وحقي اربع دراهم

فقاموا وراحوا حق القاضي علشان يحل المسألة


أبي كل واحد فيكم يقول لو كان هو القاضي كم تعطي كل واحد فيهم وليش ؟؟
وبعدين راح أقول لكم شنو حكم بينهم القاضي الحقيقي ومن هو القاضي ؟

الموضوع الأصلي: القضيه وحلها . . . . | | الكاتب: عبدالله | | المصدر: شبكة بني عبس