السلام عليكم ورحمةالله وبركاته
جئتكم ومعي هذه القصيده عباره عن الفيه
اتمنى ان تنال اعجابكم
[POEM="font="Simplified Arabic,4,white,bold,normal" bkcolor="transparent" bkimage="./images/backgrounds/95.gif" border="double,9,black" type=0 line=0 align=center use=ex num="1,white""]الف.. اول من جزيل المعاني"="للعشق واهل العشق واللي هواني
واللي من اسبابه عصاني زماني "="ونا الذي ماباح للناس شكواه
والبا.. بنيت الحب وادريه لوعات"="وكنت انتظر في جيت الزين ضحكات
لكن طاح الحظ واثر الرجا فات"="ونا انتظر حظي وعايش برجواه
والتا .. تبين حبه اللي يخفيه"="واللي يقول ان الهوى سلم يوفيه
كذاب مايدري وش اللي يسويه"="ويضحك علي بهمسة من شفاياه
والثا .. ثمان سنين مرت معاهم"="عشرة عمر ضيعت عمر بهواهم
اعطيتهم قلبي وروحي فداهم"="ماكنت احسب اني من اكبر ضحاياه
والجيم ..جيت انشد حبيبي علامه"="قاسي علي حتى ولو في كلامه
وان مر ماجاز النظر في سلامه"="ويلاه من صد المحبين ويلاه
والحا.. حرام الهجرياللي هويته"="تقوا الهجر ونا الهجر ماقويته
ونا بعد قبله بعمري فديته"="واليوم غير عني الزين ممشاه
والخا.. خذاه اللي نوى في عذابي"="غره بصوره شافها في غيابي
حبي بدابه للأسف وانتهابي"="وامسيت انا والجرح في طيف ذكراه
والدال..دام انه يبي غيري انسان"="ليته شرحلي في غيابي عن فلان
ماكنت جيت بشوق للوعد هيمان"="وماكنت ولعت النظر في محياه
والذا.. ذرفت دموع عيني لما فات"="كنت احسبه يصدق معي ناكر الذات
بدل هواي وبدل الود طعنات"="وياويل من غره عن الود دنياه
والرا ..رضا با الغير والغير راضي"="واقفا وصرت بعينه اطياف ماضي
الله لو للحب شرع وقاضي"="كان اشتكي من عذب القلب فرقاه
والزا .. زماني ردني وامتحني"="عقب الوكاد اخلفت بالفعل ظني
اسرح مع الهقوات واضحك واغني"="وجامل ايامي ونا مقدر انساه
والسين.. سلمته زمانه وسلمت"="واقفا ونا في موقفي ماتكلمت
خذيتها كبوه ومنها تعلمت"="واسدلت ماضي كان با الحب وياه
والشين..شفته مرة عقب عامين"="عيا يصد وشب با لجوف نارين
حاولت اصد وطاحت العين بالعين"="ياليتني ماجيت ساعة ملاقاه
والصاد..صار الهم دوني ودونه"="من يوم مالديت بارق عيونه
شفت العذاب وشفت كسرة ظنونه"="واقبل ونا في موقفي ماتعداه
والضا.. ضميره في غيابي تألم"="قال انت (خالد) ثم جاني وسلم ؟
قلت ايه واسدل دمعته ماتكلم"="ينثر دموع العين ويبوح شكواه
والطا..طلبته قلت كف المدامع"="ترا الحكي واللوم ماهو بنافع
قال ابتسافر؟ قلت ماني براجع !!"="قال الحبيب اشلون تعذر خطاياه؟؟
والعين عاود في سؤاله وكرر"="قال الجواب وقلت خللك تذكر
بعض الخطاوي وقعها مايؤثر"="والبعض تبقا كل ماحل طرياه
والغين.. غشيته الدموع وتشره"="قال انت قاسي ! قلت ماهي مضره
والله يامن خان بالقلب مره"="مايسكنه مره ولو جاه ماجاه
والفا.. فراق مايجي عقبه فراق"="خله يعيش سنين في جو الاشواق
ونا على فرقاه لاشك منعاق"="لكن ابنسى واجبر القلب ينساه
والقاف.. قلت انسى واكمل حياتي"="وان حل امر الله وشفت المماتي
مابيه يحظر للعزا في وفاتي"="وماعاد تنفع للغلا جرة الاه
والكاف.. كان الله بعوني وعونه"="ادري عقب فرقاي تبكي عيونه
ونا عجزت انسى بقايا طعونه"="ولو قلت ابيه النفس ماعاد تبغاه
واللام لوني للغرابيل ثمنت"=" واخذت في حبه ليالي وهونت
الله ياقلب بحبه تعلقت"="وعزاه ياقلبي من الحب عزاه
والميم مابي ف ـالغنادير غيره"="وان راح مالي في هوى الغيد سيره
لي قلب واحد وارتجي منه خيره"="قلبي على طبعه وكل وليلاه
والنون.. نام الليل ماغير جرحي"="يغفا على وعده ويذكر ويصحي
ليت السعاده ملك واهديه فرحي"="واعيش باقي العمر بالفرح وياه
والها.. هنوف العشق ماهي دعايه"="صورتها مثل الصور بالمرايه
وخليتها باسمي جروح وحكايه"="عشان يقراها مثل ماني اقراه
والواو.. ودي لو قرا ذكرياته"="ويا الجروح البارده في حياته
يدري بأني كنت ماضي وفاته"="ولايحسب اني ضامي يرتجي ماه !!
واليا..يمين الجرح والا شماله"="لايحسب ان الحب كله سهاله
ترا الوفا للحب عمه وخاله"="والجرح طاب وبعد شرواه داواه
البــــدر المـــهــــاجـــــر
[/POEM]