[ام جوانا]

افرد لي يديك واحضني على شان اروق
تراني اشعر من الدنيا( بضيقه صدر)

ياودي اغفي على صدرك ولا عاد افوق
في ليله نارهــــــاسمروقمرهــا بدر.....

اراقب الوقت وايديني على الجيد والطوق
ولادقيقه غدت مني فوات وهدر.......

انوي واسوي وامارس كل حاجه ب ذوق
وانت تعرف كل نيه في طرفها غدر....

تدي الامانات لاهلها وتدي الحقوق
على حسب طاقه المحتاج والمقتدر

انزل لتفاحتك وارقى لجمرك واذوق
اشوف ريقك خدر والا مابعد خدر

في ساعه ترتوي فيها عطاشا العروق
كنا من الله طلبناها ب ليله قدر

ماقبلها غير( رغبه واندماجه وشوق)
ولابعدها غير( سامحني على مابدر)

دام اللقا (كنز)وذراع الليالي سروق
لو نضمن (الحب)يبقى ماضمنا (القدر)

انا معي حظ لامن قلت له :فوق فوق
من كثر سوه يحسب ان فوق تنزل حدر


مطلق بن شوية

الموضوع الأصلي: سامحني على مابدر !!!!!!!! | | الكاتب: ام جوانا | | المصدر: شبكة بني عبس