[إنسان عادي]

أبيك اليوم يابايع ولو لحظات تسمع لي
عشان أوضح لمثلك بأني شخص مو عادي

أنا ماجيت أبي قربك ولابي منك تشفع لي
أنا أكبر من أمثالك وقلبي يعشق عنادي

أنا لازادت همومي ابد مابيك تفزع لي
أعالج نفسي بنفسي وأحصل بيدي مرادي


أبيك تشيل من راسك بأنك راح ترجعلي
ولابي تتصل فيني ولو في يوم ميلادي


كثير الللي غلط قبلك وجاني نادم تالي
وأنا مااحب من يركع لغير الخالق الهادي


كثير اللي يبي قربي ومهما قلت يخضع لي
كثير اللي تمنوني عددهم دوم يزدادي


عطيتك منزل ٍ عالي مع ان الكل يطالع لي
ولكنك من أفعالك ذبحت الشوف بفؤادي


أنا في نومي لو بيدي حشا مابيك تطلع لي
ياعمي روح فارقني فراقك ثالث أعيادي


وانا ادري فيك يالبايع بأنك راح ترجعلي
واذا ماجيتني راكع ترى ماني شخص عادي