شاعر طرطنقي
يا سلامي بقاف ن جزل ماله مثيل=وكلمتي في محل الطيب غنيتهـا
انت يا عابد البراك شاعر جزيـل=والعرب جتك فزعه يوم ناديتهـا
عابد البراك
مرحبا عد ماينشي ويمطر مخيل=ردتن وافيـه بالطيـب مديتهـا
بيض الله وجه اللي يعرف الجميل=ماله الا الجزيله يـوم سميتهـا
شاعر طرطنقي
البقى في محل مزبنين الدخيـل=عبس قوم الشجاعه عالين صيتها
احتزم قدمنا ليلك صعيب وطويل=وخل عنك سوالف طافي ن ليتها
عابد البراك
عبس فالماقف الغصاب تذهل ذهيل=تذهل القوم لاصحـت عفاريتهـا
ياطويل العمـر تحـط والاتشيـل=الحموله بظهر اشعيـل ساويتهـا
شاعر طرطنقي
منت واقف تراكم قدم سيل ن يسيل=لو تفزع بربعـك حيهـا وميتهـا
ابك مافيه شي ن قدمنا مستحيـل=رجلي فوق القمر والنجم حطيتهـا
عابد البراك
يمكن انك ماتدري ياحليلك حليـل=اعتبرها تعـدت كـن ماوحيتهـا
نقطت الضعف بانت في كثير وقليل=تو ماعميت عينك تو ماعميتهـا
شاعر طرطنقي
والله اني ماشوفك غير عابر سبيل=وهجمتك ياصحيبي سهل رديتهـا
الجدي في ظهوره مايشابه سهيل=ونظرتك ما تسمى لـو لاديتهـا
عابد البراك
والله اني مداوي كل قلبن عليـل=وانت علتـك بانتلـي وداويتهـا
اهل الخيل تعرف وانت وين الدليل=لاتخفي علومـك ليـش خفيتهـا
شاعر طرطنقي
انت دكتور خيل ن مايعرف الصهيل=والاجابـه عجيبـه كـان حليتهـا
انت شاعر قديم وكل مالـه يميـل=وموضتك لو قديمه لا مـا مليتهـا
عابد البراك
انتـم اولابها ياقليليـن الحصـيـل=انشد امك ليا من جيتهـا جيتهـا
طيع شوري نصيحه تعلنون الرحيل=ياهل الديره الـي صيتهـا بيتهـا
شاعر طرطنقي
انت ياعابـد البـراك حلـو وثقيـل=ورايتي فوق ظهرك حيـل غزيتهـا
طعت شورك وباخذ معك فنجال هيل=يـم ديـره شهيـره يـوم مريتهـا