[عبد الرحمن خضير]

عبدالرحمن:

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامرحبا فيك ياشاعر زمان قديم=واليوم تصعب عليك ولا انت ويالها

انا ادري انك فهيم ولايعلم فهيم=خل الخيول الاصايل عند خيالها[/POEM]خليف بن دواس:

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فيك البقا يالنديم اللي يعرف النديم=والناس تدري بطيبها وبطالها

انا ادري انك حكيم في محل الحكيم=تبا تجول المدينه قبل مدخالها[/POEM]عبدالرحمن::

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو نشعل النار في قوع الحطب والهشيم=تلقا اهل الخير ماترتاح باعمالها

اهل المدينه ومكه مايبون القصيم=الاخطاة البداه اللي على جمالها[/POEM]خليف بن دواس::
[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو كل رجل مع اهل العرف يمشي سليم=تلقى هل الخير ماتعتاش بجبالها

ماعندك الا الخصيم اللي يضيم الخصيم=ولا انته من اهل البداه ولا انت هبالها[/POEM]
عبدالرحمن::
[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يالي على خلقه غفور رحيم=تشفي عقول العباد وتصلح احوالها

اسمع كلام النشاما وخل شور الحريم=لاتخري اذنيك ياخليف وتصاغى لها[/POEM]خليف بن دواس::

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انته معي صاحيٍ ولاانت مازلت نيم=حنا هل الديره اللي نحمي جبالها

مانته من اهل المعارك وانت فيها غشيم=الدله اللي بلشت بسوق فنجالها[/POEM]
عبدالرحمن::

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اعلمك بالربيع وتنتظر للحميم=الله واكبر يابعض الناس واخبالها

صار السما صحو ولا صار في الجو غيم=سنع سوالفك لا تضحك وتشتالها[/POEM]خليف بن دواس:

[POEM="font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يلعنك يابليس اللعين الرجيم=البدو بلشت بمنزلها ومرحالها[/POEM]

الموضوع الأصلي: محاوره بين الشاعر عبدالرحمن خضير والشاعر خليف بن دواس | | الكاتب: عبد الرحمن خضير | | المصدر: شبكة بني عبس