من وين مالاحـت عيونـي تلاقيـك
مثل النظر تسكـن بداخـل عيونـي
ان كنت انته الشوف في عيون غاليك
وشلون احوي دنيتـي ونـت كونـي
جيتك ونا من لاضي الشوق ضاميـك
اتبع سرابك عـل تصـدق ظنونـي
لاجيت ابشرب قلت حسبك ويكفيـك
وشرب النقص ياخوك ينقص سكوني
طبع الحياء يمنـع فـؤادي يحاكيـك
(وسؤ ظنك) خوف يشغـل شجونـي
لوكنت واثـق اننـي كنـت طاريـك
لاجيك مثل الغيـث يهطـل مزونـي
وارويك من وارف ظلالي واحويـك
مابين عطفي وبين جفنـي ونونـي
ماهو تغّلـي يالغـلا اننـي اجفيـك
لاوالـذي خـلاك روعـة جنـونـي
لكن طبيعـه فـي اذا قمـت باجيـك
يرتـد طرفـي, ربمـا مايبـونـي؟
الـود ودي بكـل حالـي اخـاويـك
وشلون وانتم لونكـم نفـس لونـي
اعرفك شامخ معتلـي بكـل مافيـك
واطهر من الطهر العزيز المصونـي
من اجل هذا قـام وجـدي يناجيـك
والحـر تشغفـه الطـوال المتونـي
لولاك مابعـزف بشعـري اغانيـك
ولاصرت لي بالشعر اجمـل لحونـي
لـولاك ماباحـت بسـري الاتاريـك
لهمـس الليالـي بعدمـا وقضونـي
مانمت لحظه فيـك ولاكنـت ناسيـك
لاغض جفني قـام يوقـض عيونـي
دوام دايم وخالـص العهـد يوفيـك
ياليت بس توفـي بغمضـة جفونـي