قصيدة بمناسبة اعتزال سامي لهذا اليوم</STRONG>
للشاعر الكبير:ناهض بن محمد البراق
لوغبت عنا نذكرك مانسينا
قال انتهى المشوار وبصوت مسموع
قلت ابتداء تاريخك ومانتهينا
قال اعتزلت وقلت والراس مرفوع
قال اتوارى قلت صبرك علينا
ياسامي ايات الشكر كلها خضوع
وهي كلها لوقلناها ماكتفينا
انت الذي شرفتنا فعل وطبوع
سعادة سفير ابن الوطن قد لقينا
بديت سامي وانت سامي ومصنوع
في مصنع فيه المراجل غذينا
ثم انطلقت القائد الفذ متبوع
بدعواتنا وبحبنا اللي عطينا
بذلت النفيس وكل يوم لك طليع
لين اعتليت المجد وحنا اعتلينا
كتبت تاريخ طويل ومطبوع
على سبايك من ذهب وغتنينا
ان قالوا العالم على الكورة جموع
قلنا ترى سامي من اسمه سمينا
ياجابر العثرات شف حزننا دموع
ومن فرط حبك يالهلالي بكينا
يصعب علينا مانشوفك ومخدوع
من قال غيرك في مقامك يجينا
وشلون لاقالوا شهور وسنين
لكن لك التبجيل بالحب مشفوع