شرع الهوى مايجمع الجرح بدواه ..
. . . . . . . . . . . . . هم قديم ماأفرجته الصروفي
من عهد ليلى والمجانين نسناه ..
. . . . . . . . . . . . أنا الوحيد اللي به ازداد خوفي
لي صاحب لامرت البال ذكراه ...
. . . . . . . . . . . ظلت جميع جروح قلبي وقوفي
من يوم يرسل لي بالأحلام يمناه ...
. . . . . . . . . . . . . حتى استفيق بدمعه في كفوفي
تاخذني أشواق انتظاري وننصاه ..
. . . . . . . . . . . . الحب مزهر في معاليق جوفي
من كثر شوقي لأجله رحت لأحلاه ..
. . . . . . . . . . . .معتاد أسابق نبض قلب شغوفي
ياليل هو بس الذي يطرد الأه ..
. . . . . . . . . . . . ماأحد سواه يبان لحظه كسوفي
ياليل طمني عن أحوال مسره ...
. . . . . . . . . . . . وإلا أجمعه ياليل بأجمل طيوفي
أحيان أحس ان أولك فيه ملفاه ...
. . . . . . . . . . . وأحيان احس ان أخرك به حتوفي
ليت الزمان اللي فجعني بفرقاه ...
. . . . . . . . . . . يحمل معي حسرات أحنت كتوفي
راح الزمان بكل حلم حلمناه ...
. . . . . .. . .. . . .وأخفت سنين الهجر لمعه سيوفي
لاوقت ساعدني ولادرب وداه ...
. . . . . . . . . . .تشبه لي ظروفه ويشبه ظروفي
وقت عصيب وناس نظراتها افواه..
. . . . . . . . . . وأحزان عمر مالقت من يروفي
تحياتي