**معركة شريفه برواية عنزه :
حصل كون بين عسكر العواجي وابنه مشعان وبين قاسم ابن براك بشريفه
يوم نزل به ابن براك اركب على العواجي
كان بذاك الوقت بني رشيد يدفعون القصره للعواجي.قال ابن براك ابد نرعاها بالسيف ماندفع قصره .
قال العواجي انا اخو صالحه ، وركب هو وسليمان العواجي ، ويحولون على فرحان الايداء شيخ ولدعلي .
قال يابو مطلق : وش رايك بأبن براك اللي نزل شريفه ويلاقط بالهوى ؟ وانا جاي اشاورك .
قال فرحان الايداء :
راح اجي بالولدعلي كلهم واللي يرفض منهم ذبحت فرسه او ذلوله ، ماهنا جرده نبي بالجمل وماحمل .
وذهبوا العواجيه ، ويتجمعون ومعهم مشعة من الشرارات يقال لهم الغزلان متحالفين مع الجعافره من ولدسليمان .
ثم ان ولد سليمان تراخوا عن حرب بني رشيد وقالوا بالصيف نوجه عليهم ونغزيهم .
وقال صنيتان العنزي يريد يثورهم :
يالبيض خذن الصمع خص الاعيان
تمرجلن ياناقضات الجديله
تحيزمن باللولتي غالي الاثمان
وعند المحارم لاتعقبن حيله
حاذوركن عن الخميشي وشملان
والغضوري عن المراجل بدي له
ترى مجاز الجعفري مثل لوطان
يالبيض خلن له محله وكيله
وثاروا من قصيدته واقبلوا على بني رشيد مع فجة النور ، ويبنون بيت الحرب بشنق بيوت بني رشيد ، الايداء احتد عنهم من وراهم ، وصار الصباح على العرب(بني رشيد) بس فقط من الجعافره(ولدسليمان) وهي تنطلق الغاره على بني رشيد .
النوامسه من بني رشيد مايأكلون ناقة الجعفري والجعفري مايأكل ناقتهم ويفزعون لبعضهم البعض .
وكانت بنت ابن شليان نومسيه مع ابن شميلان ،قالت يابن شميلان شطر بيتي لاينهبونه الجعافره ، ويسحب عليها قاسم ابن براك ويهد عليها يالله يمسكونه عنها .
قالت : هين بكره يجونك يقولون المره اللي قدرت توصل قطيفتها لبيت ابن شليان سلمت ولا خلوهم ارض بيضا (ينهبونهم) .
وهي توقف عند بيتها النومسيه من مر عليها من فريس عنزه قالت انا بنت بن شليان ويعرفونها ويتركونها .
وفرحان يتعرض لهجيج بني رشيد ،يقولون راكب له على بتير عسيف ورمسة به ويطرحة ابن سعيده وفض تحسن به حسنى ، اليا الحين عيال بن سعيدة يجدون نخل اليديان حسنى .
ويوم اجتمعوا العرب ، قال مشعان : يالله ي مطلان (مطلان عبد العواجي)شب النار حتى تجتمع الناس .
قال مشعان :يالله اللي ماعنده فشق تراكم حلتوا على حلة بني رشيد (اخذتم بيوتهم واغراضهم) فشقهم فيها كلن يملي محزمه من فشق بني رشيد ونبي نقطع ثنوهم ، فشق بني رشيد اللي بمحازمهم نفضوه(خلصوه) واللي واللي بالحله اخذناه .
والى خيل ولدعلي جايات ، قالوا : يامشعان فرحان اخذوه وفضوا به والله غير يذبحونه بني رشيد .
قال مشعان: لاوالله ماحنا بايعين فرحان بسحت وحلة بني رشيد ، ويجونك بني رشيد ويأخذونها يوم ردوا النقا على ولد سليمان . جاهم الذكري من حرب امحلت ديرته يبي يرتع مع بني رشيد وعرض عندهم وقال انا معكم على الجعافره ورد النقا معهم على العواجي .
ويوم عاد صنيتان العنزي يبي يترضى الجعافره عن قصيدته اللي فاتت :
يالبيض خوذن خزلكن والتغازيل
عن هرجنا الاول لقينا بداله
يستاهلون عضودكن والتعاليل
وعطر يرشش للنشاما جلاله
جيناك من لغف الطرايف مقابيل
اولاد وايل صملوا بالصياله
ماداروا المرحول عن المشي والشيل
كد صملوا ماسيلوا عن خماله
بتنا برأي شيوخنا للمصاويل
وشالوا على عوج القوايم رحاله
بيراي ابومثقال ريف المراميل
وفرحان شيخ مايشرع بجاله
شيوخ لنا ماهم ترزز مخاييل
دميثير محاله شعور الزماله
جينا كما مزن تقافى مظاليل
برقه حقوق ومدلهم خياله
صبت على راس الرشيدي هماليل
قبل طلوع الشمس جاهم ظلاله
تمطر مطرها القفش وبروقها الخيل
وتلعج برباب الدخن باحتماله
ماقصروا مير طمهم جاري السيل
سيل تحدر من عوالي جباله
م............................
الشيخ بالمثواه ماحد ثنى له
حريمهم براس النبا تزعج الويل
صكوا عليهن مثل سور الحياله
ظهرن من الحله عرايا مواخيل
على قوايمهن يطون شماله
قاسم وطوه الولد دق بتنكيل
ياما وطوا واحد من شكاله
شره على الديرة بليا مراسيل
نزال ديرتنا وهذا نكاله
ديارنا معذاه عن زايد الميل
ياما وطوهم متعبين السلاله
ماجاه فعل ربوعنا بارد الحيل
ولانشد التنهاة قبل زواله
عيى يطيع المنصحه والعذاذيل
غويان مالقى المشاوير باله
من عقب مايهنى لنا بالمواهيل
على السويد صايبتهم شكاكه
جزواك مثل العير تسوى الاباطيل
تنقز على امك عقب لس العلاله
انتم كما المشرك يسوى الاباطيل
وحنا الحسيب ننشده عن عماله
والله رزقك بطيحة الشيخ توصيل
يوم ان ربي رازقك واشتهى له
والا ليا هالحين طرد وتنكيل
ليا مارعى الشرهات يبغض حلاله
جينا نبي عبطان نحط ونشيل
لما تزبن عن وطنا شماله
الزمل كلل من كثير المراحيل
نبي على الذكري نرد الجماله
لو انهم بالقول ربع مشاكيل
عراض عند ..... ما احد بحاله
يقول سعد العواجي :
ياذيب ياللي بالعماير وزاقوب
صوت لذيب موزره والعوالي
عشوك ربعي موفيه كل ماجوب
كيلك ثمان سنين ماهي ليالي
ان ردت تأكل من حلى كل مركوب
وان ردت تأكل من ثنادي العيالي
المصدر : (العرب الاواخر ص :785-786-787-788)