●جديد الشاعر عيد مربح●
مجاراه الشاعر: عيد مربح
لقصيده الشاعر: مساعد ربيع الرشيدي
يقول مساعد الرشيدي
كرموا غيري وانا كرمت نفسي
نعنبوا رجل يعيش بلا كرامه
سامح الله عبس لو بارت بعبسي
ماارتخى في ساعه الشده حزامه
كل مايصفق عليه الموج يرسي
لاجل ماتلحق على ربعه ملامه
خلنا يامكثر النشدات نمسي
ماعليك من السفيه ولا كلامه
واقطعي ياشلة النمات وأخسي
مايصدق هرجتك غير الهلامه
مجاراه عيد مربح الرشيدي
كن ابو فيصل مشاركني بحدسي
يوم غناها على طرق الحمامه
ابشر انك يامساعد منت منسي
فارض مثلك على عبس احترامه
لا تكدر صفوه الجو الرومنسي
وعاتب الغالي على قل اهتمامه
لو تعومس خاطرك لا تقول عمسي
ولا تصير احد لصوص الابتسامه
ولك تحياتي وتقديري وهمسي
دمت في صرح الادب مرفوع هامه