لا تبيّن لي الدمعه يا قطر الندى
والتفت للوداع ان كان حزنك كفاك
دمعة الطيب في عين الليالي ردا
اخذ مني دفا الايام والله معاك
خانك القرب من بعدي وطال المدى
وجيت تسترجع الماضي وتسبق اخطاك
يا حبيبي وقف بيني وبينك صدى
وانت صوت ٍ يناديني ولا اسمع صداك
كل جرحٍ يطيب بخاطري ما عدا
جرحي العام في بعدك وليلة جفاك
كنت اشوفك واحس ان الفراق ابتدا
يومها الشوق جابك والموادع خذاك
ليه اعذرك وانا فالحب مالي جدا
ليه اعاتبك وانت اللي جرحني خطاك
ماتت اكثر طموحاتي وراحت سدى
شفت وشلون اخذ مني الزمان وعطاك
يمكن يزول حزني والشعور يهدا
واترك الحلم والقى حلم غيره هناك