مدري على جيّتك والا على غيابك
محتار كيف ابتسم وبداخلي عبره
دامك قتلت اجمل الاحلام وش جابك
ترضيني اليوم وتعيد الخطا بكره
حلوه دموعك وحلوه ثورة اعصابك
ودي أحس أني الغالي عشان اشره
ما اظن حلم اللقا يستاهل اعجابك
ياما صبر في غيابك وانتهى صبره
خل العتب عنك ماني بحاجة عتابك
مثلي مواجع جروحه هي ثمن عمره
تدري وش اللي تعلمته من اسبابك
كيف اقدر احب من قلبي وكيف اكره
مشيت انا ولا عثرت الا على بابك
وانا وقوفي وقوف وعثرتي عثره