يعلم الله اني ما اعرفهم الا بألقابهم
بقرووب محاورات عندي
وفيه بعد شعار مبدعين وافضل من اللي بالميدان
راع الاوله جلاد:
الليله الملعبه فيها رجال وحريم
حريمها لا تقوم تتهدد ارجالها
يالكادر انت نعرفك شاعرن من قديم
وش لون حالك وحرب الربع وش حالها
الكادر :
الليله الملعبه تطرب بليس الرجيم
لكن وين الكحيله وين خيالها
طول الزمن دربنا فوق الطريق السليم
والطيبه لو تروح بعيد نعنالها
جلاد ؛
اعوذ بالله من الشيطان ماهوب نيم
يدخل بوسط العرب ويعقد احبالها
ان كان عندك بريم اكرب حزام البريم
جينا بنشد حريب ونكرم اسبالها
الكادر:
عقب ثلاثين ورع وقالو انه عقيم
أشر من كذبتك ياإبريل رجالها
وقت الوغا ماأنصرف عنكم ووجهي لئيم
ماتحسم المعركه ياكود بأبطالها
جلاد:
مالي دخل فيكم وعدو عيال العديم
والكلمه الوافيه في دقن من قالها
جيت انشدك عن علومك في ديره مقيم
وانته تزهب بنادقها وتبرالها
الكادر :
والله وانا حاضرن عندك مايلحقك ضيم
لكن علم عن اللي خيبوا فالها
ابشرك طيبين وفي رجاء الكريم
جلاد ينحاش عنها إن قيل هيالها
جلاد:
من بعد صياف ما شفنا عيال التويم
الا رجالن تقول الناس يرثالها
الله ياجبر عزانا فالملك يا فهيم
بكره مع الصبح كمل والبس ابدالها
الكادر :
من بعد مطلق غديتوا ياعيال اليتيم
أصبح عتيبه نمثلها بتمثالها
ماغرو البير قومن يعرفون الحطيم
أقوالها تقترن في طابع أفعالها
جلاد :
ضلمت حظك وجوك يا بيض الوجه غيم
الارض ميز مسايلها من جبالها
احد سرح فالبقر واحد سرح فالنعيم
والي مع النجد قالو يرضع اطفالها
الكادر :
وشلون مستقبلك والسيل قافيه ديم
اللي لك تصيح لا من جيت بأطلالها