البارحه رجم العناء وقت عاليه
لاعدت ياروؤس الحزوم ونباها
رجمن على رجلي عسيره مراقيه
ياليتها عنه اقصرت في اخطاها
اخذت لي ساعة وانا جالسن فيه
ساكت وعيني للرجوم وشغاها
رقيت ابدله ضميري واسليه
وارتاح من كثر الهموم وعناها
وعن البلد بسج به في خلاويه
بارص خلا ماقبلي احدن وطاها
في خايعن يجلي عن القلب صاليه
ويبرد عن النفس الحرينه بلاها
لاكن قلبي ذكرهن طواريه
هواجسن قلب العنا ماقواها
هاجوس يقفي به وهاجوس ياتيه
وقامت قدم عينه تشكل سراها
وصفن هذي منا وهذيك منيه
وتزاحمت واعدادها ماحصاها
واقشر مافيها طيف مخلوق ناسيه
له ذاكره والقلب مبطي محاها
يوم اعرضلتلي صورته قلت لبيه
لبيه ياطب الجروح ودواها
ياواحدن من بد خلق الله اغليه
ايام لك نفسي تزايد غلاها
لك في صميم القلب مقدار بانيه
مشاعرن تنبيك عن ماحواها
ياغاية المشتاق حاضروماضيه
يافرحة ايام العمريامناها
اقفى عقب زانت بقلبي مبانيه
روح ومعه الروح راحت اجثاها
ليته قبل تقفي عن ارضي مواطيه
شافت بقلبي ياسعد وش غلاها
يابو بجاد العلم يمك مساعيه
شكواي عن غيرك قصرت امعناها
غيرك مالي يمه عتاب ومشاريه
يانسل من تحفظ حقوق اقصراها
يابو بجاد العلم يمك مساعيه
شكواي عن غيرك قصرت امعناها
غيرك مالي يمه عتاب ومشاريه
يانسل من تحفظ حقوق اقصراها
ترا الصبر نارن على القلب تكويه
صبري نفذ والنفس باحة خفاها
الشاعر/عبدالرحمن هليل الرشيدي