السلام عليكم ورحمة الله وبركاته
اعضاء وزوار شبكة بني عبس قلعة المجد والتاريخ
أصافحكم بهذه القصيدة من كلمات الشيخ /نايف هني الرويض
توكلنا على الله ماتوكلنا على أي أنسان=وبدينا فيك يالمشروع يالله تكتب الخيره
ولادري ينجح المشروع ولا يصبح الخسران=اخذت الواجب اواصلت بالسيره
ولو ينجح ماني قايل تراي الماهر الفنان=تراها من فضل ربي وهذا من تياسيره
وحقيقه مادخلته غير انا من فكرتي قنعان=ولو يرسب يعوضنا عزيز الجاه في غيره
ترى الانسان لو يغلط يخيله ماهو غلطان=وترى بعض البشر نكبته دايم من تدابيره
ياللي تبى البينيان تكفى جود السيسان=ضعيف الساس مابه خير لو يعجبك تصويره
ومن يفهم يسمونه جميع الناس يالفهمان=نعم ياخذ معك يعطي ويامحلا تقاريره
وعديم الفهم لو تاخذ معه تصبح منه بلشان=وياللي عايش الدنيا ترى كل وتفكيره
يالحاسد نبي ننصحك بالله عوذ الشيطان=نصيحه رطب السانك بتهليله وتكبيره
ترى الارزاق عند اللي رفع سبع بلا عمدان=ورزقه ماحدً رده ولو كثرت طوابيره
وانا رازقني الله بالقناعه واشكر الرحمان=وقدر راعي التقدير وانا اشوف تقديره
ماهو خبلً لياشيم يحسبه هو السلطان=يحسبً العرب ماتفهم الا في تشاويره
وهو لاجاءكلام الجد ماتلقاه بالميدان=رديً ياهل الوقفات لافزعه ولاغيره
وعسى ربي يطهر ها البلد من حاسد وجبان=وقايدنا عسى عمره طويل ويالله تجيره
الشيخ/نايف هني الرويضي