عزتي للي بحد السيف من عاصوفه=
اربع وعشرين ساعه والهبوب يفره
بديرتاً مشهورتاً بالعاصفه معروفه=
لاجبال ولا شجر مقطوعتاً بالمره
تعمي الصاحي وتاخذ من عيونه شوفه=
واهني اللي سكن عنها براس الحره
واتعزز مثل مافيه لزاه كفوفه=
كل ماطالع بها وعيونها محمره
بس للعاصوف فضلن لاتقفاء ردوفه=
يطلع الشي المخفى اللي كفاء الله شره
ون نطحها من قدم بانت جميع وصوفه=
يحذف الشيله مع البرقع وتبقاء الغره
لو يشاهدها المعزب كان خلا ضيوفه=
يترك ضيوفه ولا يطر الكرم بالمره
من ابو صوط مهداه المعزب
رد المعزب
لاتعـزز للرفيـق الـي هـواه تلـوفـه
عزتـي للـي هبـوب العاصفـه مامـره
جالسله مـن ورا طوفـه ودونـه طوفـه
من سراميك المداخل ماتجيه الذره هههههه
يوم يوده راعي البـل بالعـرا المكشوفـه
ماتضره شمس قيضه والهـوى ماضـره
شاعر الاعلام البرمكي
مجارات ورده
لاتعـزز سلـم العهـده ورح لكهـوفـه
حرتن يتعب بها المـري بقـص الجـره
يدمـي الاقـدام لامنـه وطـا شغروفـه
لو سبت رجليك سبت الهرش غير تقـره
وسيفنا مـن حـد تنـوره لحـد الكوفـه
دار رزق وحالنـا بأوطـانـا مسـتـره
والمحبـه راح وقتـه لاتسـو بـروفـه
حب هذا الوقـت مثـل الحلـه المنثـره
تنفخ الوجنه وتمشط بالكـروش ازلوفـه
وعينها ماهي بيم الصـوط يـم الصـره
الجمال اللي طبيعي ضامـرن سرجوفـه
وشربهـا در النيـاق اللـي لذيـذن دره
بالصحار اللي على فجوج الفضاء مكشوفه
جرهدن ماغير صوت الورق داخل بـره
صح اللسانكم جميع بيض الله وجيهكم
والحمد الله على السلامه يابو صوط وصح اللسانك واللسان الشعار