يالموت لك هيبه تهز الرجاجيل
ولك حزة ما تدري الناس عنها
لك ضربة تقطع احبال الشرايين
ولك طعنة ماغيرك الي طعنها
لك سطوة بالهند والسند والصين
والغرب وبشام الديار ويمنها
ولك صدمة تفجع قلوب المحبين
ولك خطفة ما ينفع الحرص منها
هذا انت بس المشكله عنك لاهين
نركض ورا دنياً رخيصً ثمنها
يالله يارب العباد المصلين
اللي يديها باالصدر تحتضنها
رحماك لامن حافنا نازح البين
والروح من بين الحنايا مكنها
انت الرجا والعبد مخلوق مسكين
والموت له ساعة لا بد منها