[الوآآفي]

رجـم الهـوى اللـى لعـن كوثـر جماهيـرهـ
عــز الله انــهـ مايسـتـاهـل تـعــب سـاقــى

اتعـبـتـهـا فــــى مـراقــيــهـ ومـشــاويــرهـ
ذى جـرتـى نــازل وذى جـرتـى راقـــى

لبـيـهـ يــا (ســارهـ) ولـبـيـهـ يـــا (مـنـيـرهـ)
فى مهبـل النـاس مـدرى ويـش أنـا لاقـى

صــدر الشمـالـى عليـهـن فــكـ ازاريـــرهـ
الـلــى مـــن أدم وحـــواَ مـابـعـد ضـاقــى

جــن المديـنـهـ عـلـى غفـلـهـ مــن الـديـرهـ
وتــورطــن بالرومـنـسـيـهـ والأشــواقــى

مـايـكـتـبــن أسـامـيــهــن بـالـطـبـاشـيـرهـ
بيعلمـنـكـ عـــن الـمـوضـهـ والاذواقـــى ..

مـافـيــهـ داعــــى اجـامـلـهـن بـتـكـشـيـرهـ
وأقــول مشـتـاق .. لــو مانـيـب مشتـاقـى

ماهن بكفو السهر... والحزن ... والغيرهـ
ودموعى.. وشعرى الموزون .. وأوراقى

(كرت احمر) و(بـاب طيـارهـ) و(تسفيـرهـ)
فـى (قلعـة الوادريـن) و(بـألـف طقـاقـى)

الـهـنـدى ووايــتــهـ.. والــعــود وبـعـيــرهـ
هــــذا مــــدور ذهــيــب..وذاكـ ســواقــى

لـو مـا أنصفتنـى سنيـن العـمـر الاخـيـرهـ
ماطبقـت عيـنـى أحـداقـى عـلـى احـداقـى

قفـلـت سـيـرة عـلاقـات ..وبـــدت سـيــرهـ
الـلـى عليـهـا الـكــلام وهـقــوة الـهـاقـى

ابركـ ضيـوف الهوى...وأغلـى مساييـرهـ
ريحـانـة تقـطـف اللهفــهـ مـــن أعـمـاقـى

ماهيـب مـن قـوم ..(ابـو دقـهـ وتسكيـرهـ)
مــن قــوم لاحـاسـبـت مـاتـاخـذ الـبـاقـى

لـهــا عـلــى الـزيــن تهـلـيـلـهـ وتـكـبـيـرهـ
نـعـم مــن الــوردهـ الـلـى فــأول السـاقـى

مـهـيـب أمـيــرهـ لكـنـهـا جـنــب الأمـيــرهـ
ذات الحسب والنسب والمستوى الراقـى

من (أغنياء الريـاض) ومـن (هواميـرهـ)
شـركـات أبـوهـا بضايـعـهـا فـالأسـواقـى

يـومـى لـهـا الغـصـن وتغـنـى عصافـيـرهـ
ولأمــــر يـنـقــاد لـرضــاهــا ويـنـسـاقــى

غـيـداء سـهـم عينـهـا مــن قـــو تـأثـيـرهـ
مخسـر ســوق الاسـهـم عـنـد الاغـلاقـى

الـبـدى والهـيـكـل الـلــى مـاتـبـى غـيــرهت
(اصطـب )و(استبنتيـن) وقـيـر (عـلاقـى)

مــازيــن اخــلاقــى الــطـــب بـعـقـاقـيـرهـ
لــــولا عقـاقـيـرهـا مــازانــت أخــلاقـــى

مــن قبلـهـا الـحـظ مــن جـفـرهـ لدحـديـرهـ
لـيـن أوعــزت للـزمـان وحــرر اوثـاقــى

وأعتظت عن ..قوم (ابـو دقـهـ وتسكيـرهـ)
بالـلـى لـيــا حـاسـبـت مـاتـاخـذ الـبـاقـى