وحده تقول اتفقنا حنا وخوالي وخالاتي ناخذ لنا يوم استراحه وكل وحده تجيب معه طبق للعشاء
جاء موعد الاستراحه وكلن جاي وجايب معه حافظته وصيانيه وامتلى المطبخ حوافظ اشكال واحجام ماشاءالله
وزوجه خالي طول الوقت وهي تمدح جريشه من الظهر وانا احوفه وانا ما قد سويته الا الكل ينهبل عليه وتمسك كل وحده وتشرح له الطريقه حطي كيت وكيت وسوي كيت وكيت ووو من المدح الفضيع
ولما فرشنا السفره قالت حطو جريشي بالوسط عشان كلن يطوله وحطو جريشي بالوسط عشان كلن يشوفه الجريش الي عمركم ماراح تذوقون مثله
ولما فتحت الحافظه الا الصدمه 😱
طلع مرقوق 😩 اثاريه طالبه من الحريم جريش وارسلو له مرقوق بالغلط
هي بلعت العافيه ومسكته مانطقت بولا حرف وحنا نتناظر وحنا منصدمين وعيوننا تقول ليته بالعه العافيه ولا امدحت طبخه والا كلفت نفسه وفتحت الغطاء وتاكدتت من طلبه
موقف لا تحسد عليه 😰😰