بالضبـط كانـك لا تمعنـت ظـلـه
وبعض العرب شقرا و شقرا مع الخيل
مـا ينفعـك لـولا الرمـوش المظلـه
و بعض العرب لا يعجبك ثرثرة ليـل
و باكـر تـرى مـا قالـك شـي لله
وبعض العرب مرسال مادري مريسيل
يسايـر العالـم و هـو حاصـل لـه
وبعض العرب يصلخ و ينفخ و هو ريل
و في زعمه انـه يفهـم الكـون كلـه
وبعض العرب ما غير بندق و دربيـل
و منين مـا هـب الهـوا جايـز لـه
وبعض العرب يطلع كما طلعة سهيـل
و يغيـب نجمـه قبـل دربـه تدلـه
وبعض العرب يوذيك بالقـال والقيـل
تجلس معـه ساعـة ولاخـرى تملـه
نذل و خسيس يفصل الهـرج تفصيـل
و ليـا لقـا لـه طيـبـن يستغـلـه
وبعض العرب منظر و كشخة وتحليـل
شبح بحـال و حالـه اخـرى كرلـه
لا شفت زوله مـن خيـار الرجاجيـل
و ليـا عرفتـه مـا تجيـه بمحـلـه
و بعض العرب ماضيه ليل على ليـل
كـذ بصمـوه وصــوروه الادلــه
وبعـض العـرب لا والله الا تهاويـل
مهمـا عقـدت الحبـل لازم يحـلـه
كـذ دربـوه و لكعـوه الرجاجـيـل
من قبل لا يصير الحـدث جاهـز لـه
وكانك شجاع صحيح حارب اسرائيـل
قبـل اليهـود الـقـدس لا تستحـلـه
وكلش يهون الا الثلاث الغرابيل
المسكـنـه و المـهـزلـه والـمـذلـه