انقل لكم قصيدة الشاعر / طارق حمد القلادي الرشيدي
على احد حفلات الدواميك و بيض الله وجهه وعزالله انه شاعر كفؤ والطيب يجيب الطيب
وتقبلووو تحياتي الداموكي
سقت القصائد مثل سوق المخاييل
ومن عادتي ماسوق غير الجزايل
واعطيتها للعرف معنا وتقبيل
وفليت للطرقه جميع الوسايل
وجات القصائد للاوامر مقابيل
مثل البكار النادرات الاصايل
ودكت بميدان الشرف صطوت الخيل
حي القصيد اليا جرى بالعدايل
يشهر مواقف مبعدين المواصيل
ويعطيك للميقاف حكم ودلايل
وفردتها باسم الشيوخ الحلاحيل
اللي لهم تاريخ بين القبايل
دواميك مروين حد المصاقيل
اهل الكفؤ بالطايله والجمايل
دواميك لا منه بدى الحط والشيل
اهل الصطر هيبت اعيال الحمايل
دواميك معروفين بالجيش والخيل
واهل العقول الراجحه والصمايل
جنب كلام الزور والقال والقيل
لا قالو الداموك والكف طايل
لا طار ستر ام القبع والخلاخيل
وكثرة لوائح ناقضات الجدايل
وقفاتهم مادكها عاتم الليل
تبدي مثل نور القمر بالاوايل
وقوم يديهم بالكرم توفي الكيل
وعلى الخوي نقع المطر في المثايل
نطاحة القالات ذباحت الحيل
ياما افركوا من خشم عاصي وعايل
من زارهم لجل القشر والغرابيل
لابد ما يشهد انجوم القوايل
افعالهم تضوي سوات القناديل
رمز الكرم رمز الوفاء بالمثايل
شجعان مايرضون نحس المداهيل
ميرادهم هداج فوق الرحايل
يشرح لك الماضي ضهور المقابيل
من ماله اول ما بدتله فعايل
وجنب كلام الزور والقال والقيل
لاقالو الداموك والكف طايل