الشاعر صالح ابن علي الفغم المظيبري الرشيدي)رحمه الله ) مر ذات يوم على موقع قديم كان يسكنه قبل اربعين سنه وتذكر جيرانه ذالك الوقت وآثار منازلهم والآن وينهم, بعضهم توفى (الله يرحمهم)وبعضهم ترك حياة الباديه وسكن بالمدن , توجد عليهم في قصيدته وذكر كيف كانوا يزوجون بناتهم وكيف يعينون بعضهم على الزواج والآن بعض الآباء يزوجون بناتهم بمهور تثقل كاهل المتزوج وكأن البنت سلعه تباع وتنشرا كل هذا طمعا بالمال غير آبه بمعاناة بنته ولا العريس .
يقول أبو سلمان :
ياولّ يا روضٍ ربوعي ربت فيه.... ديرانهم ياعبيد محذى نضدها
تـفـرقوا ماكـنّهـم دوّجـوا فــيــه .... تـفـرّقـت شـيـبانها مع ولدها
ما تـنشـد يا مـرقبٍ مرقبٍ فـيه ..... بين البروث النابيه مع جلدها
ماشفت ماعينت من خاطري فيه... قـفّـت بهم دنيا كـثـره عـقـدها
ما بـيّـعوا بناتهم ما تاجروا فـيه.... ماهـيّـضه صوغٍ تحطه بيدها
لياجا له ابن العم يملا له أياديه...وشالت على زين الزوامل وحدها
رزقٍ يخطّم له ورزقٍ يباريه.... أخيـر من ناسٍ كـثـيـره حـسـدها
وخطو الرجل ياعبيد لا تعتزي فيه.. ليا غاب عن المرجله وش بعدها
وخطو الرجل وعارته وش تبي فيه... اللي يولّع الفـتـنه وبـنـتـه قردها
مثل المريض اللي يتكالا المرض فيه...... يـسـم حاله لين حاله سـمـدها
يصلخ ويذبح والطمع بيّنٍ فيه....... وكم هجمهةٍ عنها النشاما طردها
*******و القصيده أطول من ذالك *********