مابين صـدر ٍ يفـوح وخافـق ٍ مايبـوح
حاولت اعرف الحقايـق مـن مصاديرهـا
غير البلا مابقى في الوقت قلب ٍ نصـوح
اليوم شر العـرب غطّـى علـى خيرهـا
ما افرق ضعيف الروابع من طويل الشبوح
الا لـيـا دقّــت الدنـيـا مزاميـرهـا
الحزّه اللـي تبيّـن كـل شـي بوضـوح
ويبيـن فيهـا كبيـر النـاس وصغيرهـا
مدري متى الوقت يضحك لي بوجه ٍ سموح
وأنسى شقا رسمة الضيقـه وتصويرهـا
وأفرح بليل السعد لاشفـت برقـه يلـوح
وأرتـاح مـن ضيقـة البـال وتفاكيرهـا