يابنت ياللي تسأليني أنا مين !
ووش قصة الدمعهـ ومعنى الكأبهـ ؟
هاتي قلم بكتب من الشعر بيتين
ودوكـ الورق .. تلقين فيهـ الاجابهـ
انا الغريب .. اللي بدا رحلة البين
رآحل سرا من دون ياخذ زهابهـ
انا الجريح .. اللي بكى ناس غالين .
.مجروح قلب .. ومايل الوقت صابهـ
انا الاسير .. اللي وقف بين نارين
نار الفراق .. ونار شخص يهابهـ
انا الفقير .. اللي مشى سكة الدين
عفيف مايشكي على الناس مابهـ
والدمعهـ اللي عذبت محجر العين
حرف قريتهـ .. يوم جاني جوابهـ
مكتوب فيهـ : القلب ماهو لشخصين
فيك ابتدا حبي .. وفيكـ انتهابهـ
وكآبتكـ !! لامن غدا الوقت بكـ شين
وجف الوطن !! والجو مابهـ سحابهـ
يابنت ...! وش لكـ بالعنا والعنا وين !
وش لكـ بشخص مقفيات اركابهـ !
ولاتسأليني ياحزن ... انت من وين !!
راحل غريب وتاهـ .. محدن درابهـ
يابنت زوري بس شط المحبين
تلقين فيهـ الأسئلهـ والإجابهـ