يالصبر الا تنفذ من الهم والضيق=كم عثرت(ن)زالت وربك فرجها
من عقب ماهي عند اهلها كما طويق=زالت من المولى وقفل حججها
وبالمعتلي قو العزم والمواثيق=لو الشقى والضيق نفسك سهجها
لاتشتكي لناس قل التوافيق=كم نفس طول الصبر فيها بهجها
وعنز على الله والرجال المطاليق=كم نفس(ن)اهل الطيب فكو حرجها
اللي لفعل الطيب دايم عشاشيق=ومعدال عوجن ماتعدل عوجها
اهل المواقف ساعة(ن)ينشف الريق=ستر الدخيل اذا النخاوي زعجها
اللي تطوق مخطي الدرب تطويق=عن الدروب الخاطيه لا نهجها
البارحه اسرح مع الهم وافيق=همن منه نفسي تزايد حرجها
كني سجين(ن)سجن في حق تلفيق=وضاقتبه الدنيا وضاقت فججها