ادمح ( الزله ) قدر ماتستطيع
وصـد عن بعض الامـور وخلهـا
لا تسمع للحكي ثمن تضيع
خل ( حسـادك ) تموت بغلهـا
والمشاكل لو تجي مع كل ريع
( الله ) اللـي جابهـا ويحلهـا
وابتسم واضحك وسولف للجميع
والهروج ( الـعوج ) لا تفطن لهـا
وخلك لربعك كما الحصن المنيع
والثقيله عـن ( ربوعك ) شلهـا
وأقض حاجة من تعنالك سريع
نفعة ( الـطيب ) تجـي فـي حلهـا
والسنافي دايمً ( صدره ) وسيع
والعلوم ( الكـايده ) قـداً لهـا
والردي ما منه ضر ولا نفيع
يدبـل اكبـود ( الـعرب ) ويعلهـا
شد عن دار المحل يم الربيع
وعـز ( نفسـك ) لا تـدور ذلهـا