قالواغريب وقلت وين الغرابهـ
مادام هذا المجتمع كلهـ اغراب
مادام جرح القلب كلً رضابهـ
نبقى على طول الدهر مثل الاجناب
كل الظروف اللي علينا تشابهـ
الموت واحد والمنايا لها اسباب
يامنتظر بعد السؤال الاجابهـ
الليل طول والقمر بالدجى غاب
وش عاد لو حنا عمام ونسابهـ
العرق واحد والمنافع للاجناب
وش عاد لو فينا عناد وصلابهـ
للوقت سيف وللهواجيس مصلاب
كم واحدً راحت ملامح شبابهـ
راحت حياتهـ بين ناسي وكذاب
من وين ماجينا الامل صكـ بابهـ
وتخالفت بدروبنا هموم وانشاب
يالعنبو هالوقت لابو عذابهـ
لابو حياةً كلها هموم واصعاب