[سعد بن عادي]

يخنقني الصمت وازبن زحمة اوراقي
وأصب فيها ... بعض حزني وتنهيدي

والضيقة اللي تلج فـــ داخل اعماقي
حلمٍ تكســّر... وبيّن في تجاعيدي

وشلون اباصل حدودك يا آخر آفاقي
وانا اتسلف ثواني فرحة لـــ عيدي

يا غربتي والسنين السود فــ احداقي
ملامح اوجاع تسرق نبض تغريدي

أنا التعب لا انكسرت ووقفت ساقي
يبدا يسولف ويشرح ( فلسفة قيدي )

والدمعة اللي تطيح وتنوي اغراقي
سريالي الحزن فيها صار تجريدي !

من يعتق الحب فيني يطلق وثاقي
ويلملم اللي بقى من عمر تشريدي

مليت ادور حبيب فـــ زحمة اوراقي
يمتص حزني ويرشف طعم تنهيدي