ياهاجس الشعر قل لليل توا السهر
توا السهر والبيوت القشر عيت تجود
والهاجس اللي تصافقبة فروع النهر
يقطف من أثمار خيراته نكور وجحود
والساعة اللي على الخاطر تساوي شهر
ياطولها جعلها ياصاحبي ماتعود
والعبرة اللي تحير بحجر عيني قهر
تموت ياعاذلي متسيل فوق الخدود
والوقت ماهزني لو دار يوم ودهر
ولأذلني وقتي الاقشر وكنت محدود
شامخ ولاسقت للعالم شموخي مهر
ألي يصد أتركة واباشرة بالصدود
والعقل من كثر ماشاف اندهش وانبهر
والآدمي له عمر ومع ألليال معدود