[جفاا]

وجابك هالسهر ذكرى تبكّي لين
تنفّستك وقلت من البطا : كيفك ؟
ب ( يوم فراقنا ) ما كن لك إيدين
ألوّح لك كرم .. ويشح تكتيفك !!
حزينك ضاع عمره من هذاك الحين
وقف مابين : توديعك وتسويفك
تضج الأسئلة في قلبي المسكين
و أمر الذاكره و أسال سواليفك :
أنا بصحرا غيابك لي ثلاث سنين
أودّعها متى و استوطن بريفك ؟
إذا من لعيوني طيب إنت لمين !!
أنا راعي مكانك و الا أنا ضيفك ؟
رحلت انت وخذيت عيوني الثنتين
عطيتك طُهري و خليت لي زيفك
و اذا ضقت و انا ما عاد عندي عين
يصير اشحذ بُكى لا مرتي طيفك !!!

الموضوع الأصلي: إذا منت لعيوني ، طيب إنت لمين ؟ | | الكاتب: جفاا | | المصدر: شبكة بني عبس