25-02-2014, 06:54 PM
|
هذا وجوده وجـد قلـب ٍ مجاهـد
يا مل قلب ٍ كـل مـا قلتلـه هـد=قام يتهشم من ورا حدب الاضـلاع
اليا طرت طريا المواليـف يرعـد=واليا نهيته ما سمع لـي ولا طـاع
وجده وجود اللي مورد على العـد=وعيو هل المارد على ورد الاقطاع
وبغى يسايسهم وعيـو عـن الـود=وكل على رايه صدود ومنصـاع
فكر بـذود ٍ مـن ضمـاه يتهبـد=وصمل وماهو للمعاديـن مطـواع
تكاونـو والعـود مالـه مسـانـد=ينخى ولا حوله من النـاس فـزاع
وقام يتعزوى والحق الجـد بالجـد=يكـر بلحالـه ولا هـو بمرتـاع
شق الصفوف لعين رويانـة القـد=وحول ومد اللي للارقـاب نـزاع
ياخذ علـى الجمعيـن رد ٍ ورا رد=من هيبته من صيحته ترجف القاع
وحول عليه اللي من القـوم منهـد=وصكه على رجله وكسرت ولا فاع
ثم ربطوه وكل مـن ناظـره لـد=عزيز قوم وذلتـه قصـرة البـاع
تقاسمـو ذوده ولاهــو مـعـود=قدام عينه ميـر طايـع وخضـاع
وضح ٍ بياض اوبارهـن متزايـد=برق ٍ من القبله على مزنته شـاع
راحن ومن وما فيه ما عاد به سـد=ارخت عيونه فوق الاوجان الادماع
نوب ٍ يكابد كسرت الرجل والكـد=ونوب ٍ يجاوب عوية الذيب لا جاع
وبعد التعب حصّل مع الموت موعد=وحتى وهو ميـت تعشنـه اسبـاع
هذا وجوده وجـد قلـب ٍ مجاهـد=اليا سلم من صاع يردفله بصـاع
عليك يالمجمول يـا باهـي الخـد=يا سلعة ٍ ما هي لشـاري وبيـاع
طالبك يا راعي الجبيـن المـورد=ناظر بعيني كود تشرح لك اوضاع
هذا جزا حبـي تجازينـي بصـد=اعطيك ودي وانت تعطيني اوجاع
اغليـك و اودك وداد ٍ بـلا حـد=والقلب بفراقـك حزيـن ٍ وملتـاع
أضيق من فرقـاك وأدوج وأنشـد=وعيني وقلبي كلهن شوق وجيـاع
رح واعرف اني لو تصد وتباعـد=مسكر ٍ عن عاذلك كـل الاسمـاع
وان جاك يوم وقلت لك بتركك جد=اصير مفري ٍ فري عشرة اصباع
الشاعر / مطلق الجبعاء
توقيع الشاطئ المهجور |
أستغفرالله وأتوب اليه
لاحول ولاقوة الله با الله
|
|