على طارى صباح الورد
مسائكم ورد وياسمين أبيض
على طاري صباح الورد , وإسمكـ , والحـلا والـذوق
ذكرتكـ يـا أجمـل أحلامـي , بقافـي واستهليتـهـ
على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـكـ تناسيتـهـ
يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامً خنـت وأخفيتـهـ
أحبكـ كثر ما يشعل , غرامكـ فـي حشـاي حـروق
وشبٌهـ زود لو يحرق , ضلوعي مـت مـا اطفيتـهـ
أحبكـ دمعتً طاحت , على خد الصباح شـروق
يموت النور لـو طاحـت , علـى كفـي وضميتـهـ
أحبكـ , إيهـ أحب إسمكـ وأمـوت بجيـدكـ المنتـوق
و تخيل كثـر مـا أكـرهـ صـدودكـ , قمـت حبيتـهـ
تموت من البطا غيمهـ , طعنها مـن جفـاكـ بـروق
وغشى روض الحشا وسمي , جفافكـ وإنت ما ارويتهـ
رحلت , وما بقى منكـ سواكـ إنت , و عنـا مفهـوق
عنـا ذاكـ الربيـع اللـي , غشانـي مـا تمنيـتـهـ
تعال , إجرح على كيفكـ , تربـع واستحـل عـروق
تدلـل والبسـاط أحمـد , وأنـا لرضـاكـ مديـتـهـ
قم إسهج لآخر ضلوعـي,تغلغـل داخلـي برفـوق
حلالكـ ما بقى منـي , مـع اللـي لأجلـكـ أفنيتـهـ
من اللي من غديت أجمل قصيدة ما غـدا لـهـ ذوق
ومن اللي كتـب باسمـكـ قصيـدهـ وانكسـر بيتـهـ
وربي , من كتبت إسمـكـ وبروزتـهـ بقلبـي فـوق
وأنـا مـا دار فـي بالـي , قصيـد مـا تحاليتـهـ
دخيل الدمعتين اللي, غـدت منهـا الخـدود شقـوق
ترفق سامحكـ ربي , علـى قلـبً لـكـ أهديتـهـ
إذا لكـ حق في قلبي , فأنا لي فـي غـلاكـ حقـوق
و حقوق الشوق محفوظـة , وحـدي مـا تعديتـهـ
يذكرني صباح الورد , وإسمـكـ , والحـلا والـذوق
وأردد يا أجمـل أحلامـي بقافـي يـوم هليتـهـ