مديت لك مـن بـدة النـاس كفـي
فيهاالغـلا والا الوفـاء راسمالـي
جيتك وهقـوات المناعيـر صفـي
تسوقنـي يمـك دوافـع خيـالـي
جيتك على وضح النقاء لا تخفـي
وبذلت لجل ارضاك روحي ومالي
يامن غلاك بداخـل القلـب هفـي
وجاله على عرش الضلوع اجتوالي
سمعت بي قـول الحقـود المقفـي
اللي هواه اعـن اليميـن الشمالـي
وطعتـه ودفـك للمتاهـات دفـي
ضيعك ابو مره وضيعـت أمالـي
واليوم عـذرك للعـرب مايوفـي
العـذر مايقنـع صعيـب المنالـي
اللي حصل لي من عذابـك يكفـي
ماعاد ابي بينـي وبينـك وصالـي
ماعاد ابي ذكـراك داخـل ملفـي
طويت صفحاتـه علـى ماطرالـي
الجـدي ثابـت والكواكـب تلفـي
حوله تـدور ومـن تعـداه زالـي
أنـا لابـد القـى هوايـه وشفـي
عزيز قوم وتـارد المـاء حبالـي
لياهب برد الشبـط بشتـي يدفـي
وببيوتنا يلقـى الحجـا والظلالـي