03-02-2014, 04:11 PM
|
|
افتراضي نقص فيتامين د خطير ومنتشر
فيتاميييين((( د )))
وماادراك ما فيتامين د
اللي اغلب الناس في غفله عنه ومستهينين فيه
ومو معطينه بال بس لو نلاحظ ان اكثر الالام اللي نتعرض لها ونتألم منها وماندري من ايش هو بسبب نقصه والله الموضوع خطير لازم تتاكدون من عدم نقصه بالذات احنا الحريم بسبب الحمل والولاده ولان مانطلع كثير بالشمس اذا نقص بزياده يسبب امراض خطيره وتتطور اذا سكتنا وطنشنا ويسمونه في الغرب الموت الصامت لان مانحس بتعب الا بعد ماينقص مره وتظهر اعراضه فجأه وبعض الناس مايحسون ب اي اعراض ويطلع ناقص عندهم بشكل مخيف انا كنت احس بتعب وارهاق ودوخه ونسيان وضيق بالصدر واغلب وقتي افكر وابكي ومهمومه من اللي احسه وسويت تحليل دم لفيتامين د وماكنت مهتمه له واقول بخاطري مستحيل فيتامين يسوي كذا والصدمه طلع عندي ناقص ونسبته 7 من 60 وقالت لي الدكتوره الوضع كذا خطير وماينسكت عليه وكتبت لي على نقط احطها مع حليب او عصير واخلص كل اسبوع علبه لمدة 3 شهور وشرحت لي اعراض نقصه :
* السرطان كفانا الله شره والله يقطع طاريه ممن اسبابه الرئيسيه نقصه.
*الصداع.
*الدوخه.
*خموول وكسل.
*ضيق الصدر والاكتئاب والقلق والاختناق.
*تساقط الشعر.
*التعب على ادنى شغل.
*لخبطة الهرمونات.
*السكر.
*الام في المفاصل والعظام.
*الزهايمر ..النسيان..
*خفقان للقلب
وكثيره اعراضه ماتذكرت الا ذي بس والله شي ماتتوقعونه من نقصه ان كل ذي الامراض عشان بس فيتامين والله منها واكثر لابد نعوض النقص
بالتعرض للشمس كل يوم
واكل سمك السيلمون والتونه
شرب الحليب المدعم بفيتامين د
البيض والفطر وزيت كبد الحوت
ياناااس هو مجرد تحليل تتطمنون فيه على انفسكم وصحتكم وانتم واطفالكم اطلعو بالشمس اسرع علاج له والله اني طفشت من حياتي ف البدايه تغيرت وصارت ممله طول الوقت كنت تعبانه ومتضايقه وحتى زوجي تعب منةي ونصحني اترك حبوب منع الحمل لان يمكن تكون هي اللي مأثره على نفسيتي وتركتها ونفس الحال الى ان سويت التحيل واللحين لي نص شهر ع العلاج هو يبي له اقل شي 3 شهور عشان الواحد يرجع لحياته الطبيعيه ويتحسن والشفاء بيد الله سبحانه صلو وادعو وسبحو واستغفرو دايم كررو اللهم اني اسألك رضاك والجنه ادعو به اخر الليل وش احسن من رضا الله علينا الحمدلله
اللهم يامجيب دعوة المضطرين اللهم فرج عني ما ضاق به صدري وعجز معه صبري وقلت فيه حيلتي وضعفت له قوتي تحصنت بعزتك وعظمتك وبجلالك . اللهم احيي بنا البسمة واابعث لناا روحاا لاتياس روحا صابره مومنه لااتقنط من رحمتك اللهم امين ياررب..
|